Visita ao Mercado
O pasado mércores os Pelouros achegámonos ata o mercado para poder aprender dun xeito máis vivencial e lúdico. Alí fomos ver os peixes da avoa de Adela que se parou moito connosco explicando moi ben todos os nomes e as características dos peixes: rapes , chinchos , fanecas , pescadas, salmón… Despois fomos atendidas por Marta e Zulema ( a mamá de Ainara) que nos ensinou peixes e mariscos que aínda estaban vivos: centolas, navallas , lagostinos…Mais tarde visitamos a Sheila, a tía de Ainara , e entre as dúas amosáronnos máis peixes.
Despois visitamos a carnicería de Mari Chelo para coñecer os seus produtos: polo, carne , albóndegas…
Por último, visitamos a zona das froitas e verduras e como xa
nos estaba entrando a fame despois de ver tanta comida, fomos convidados a unha merenda no piso superior do mercado, con froitas, pan e doces do mercado.
Así , despois de repoñer forzas fomos quen de voltar ao cole , cansos pero felices te ter gozado unha experiencia tan enriquecedora.
Grazas a todas as persoas que colaboraron no Mercado para que esta visita fora posible.
No hay comentarios:
Publicar un comentario