| |||
Onte lembramos a festa do SAMAÍN cunhas fotos que nos fixeron
recordar o ben que o pasamos no cole aquel día. O cole enchérase de teas
de araña, morcegos e cabazas para celebrar o día máis terrorífico do
ano, e mesmo escoitamos e cantamos cancións cunha rica merendola no
ximnasio cos nosos compañeiros da outra clase.
Pois, ao parecer, nestes días as ventás e balcóns dalgunhas rúas de
Bueu enchéronse de bruxas e gatos negros para espantar o coronavirus, e
así poder volver saír das nosas casas como faciamos sempre. Mesmo
escoitei que hai unhas meigas preparando un conxuro especial para facelo
desaparecer da nosa vila!
Que vos parece inventar un conxuro para acabar co coronavirus?
Podedes inventar un pequeno conxuro ou unha receita máxica para facelo
desaparecer coas vosas familias, e compartilo con nós para publicalo no
blogue e que todos os compañeir@s o poidan ver. Aquí tedes un exemplo:
PATAS DE ARAÑA,
COLA DE LEÓN,
QUE O CORONAVIRUS
PRONTO TEÑA SOLUCIÓN.
Seguro que entre todos o facemos desaparecer e pronto poderemos volver ao cole e xogar na rúa cos nosos amigos.
No hay comentarios:
Publicar un comentario