EMOCIÓNS

Onte falei coa avoa dunha nena da clase e contábame como pasaba por diferentes emocións durante estos días, por iso hoxe imos falar das emocións. Os nen@s experimentan as mesmas emocións que os adultos e é moi importante que sexan capaces de manexalas correctamente.
Para iso imos contar coa axuda do"Monstro de cores"

O noso amigo atópase raro, confuso e non sabe o que ten fíxose un lío coas suas emocións xa que xuntas e revoltas non lle axudan a aclararse, non funcionan. Por sorte a súa amiga vaille botar unha man. Intentando identificalas e ordenalas en tarros en función da emoción. Deste xeito poderá xestionalas mellor, entendelas e, se é posible transformalas.

Proposta de actividade:

Materiais  que precisamos: un folio, cores, moitas ganas de garabatear...e o ingrediente máis importarte alguén da familia que debuxe os tarros.

Despois falamos do que sentimos: rabia, alegría, tristeza, calma, ou medo.

Comezamos a garabatear (ou colorear) dentro do tarro que asociamos o noso estado emocional.

É posible que nos sintamos de varias maneiras, é dicir, alegre pero asustado á vez, ou rabioso e triste ao mesmo tempo, por iso vos deixo este debuxo con tres tarros para que escollades cantos queredes garabatear ou colorear por dentro.

Acompañámolo debuxo co noso nome e título do conto.