Visita dos Reis Magos

 Hoxe último día de cole antes das vacacións de Nadal os Pelouros escribiron unha carta aos Reis para entregarlla en persoa , foi unha xornada moi especial , pero estes Pelouros son moi valentes e foron sen problema, demos a carta , cantamos a panxoliña "Chegou o Nadal" e despois comemos roscón e  bebemos un batido de chocolate.

 Así remata este primer trimestre para os Pelouros. Foi moi emocionante compartir con eles tantos momentos durante este periodo de adaptación ao colexio, e teño que dicir que o fan fenomenal, así que espero que os Reis Magos traian moitos agasallos. Bo nadal,familias!

 

Protagonista : Helena

 Esta última semana de cole antes das vacacións de Nadal tivemos de protagonista a Helena que fixo con moito gusto as súas tarefas de prota na asamblea e como vedes xa é unha experta en escribir o seu nome e debuxarse!

Helena , como é unha nena moi autónoma, foi quen de contarnos o libro da súa  biografía. Grazas familia por colaborar!

Aniversario de Decembro : Iria

 Hoxe celebramos na aula dos Pelouros o aniversario de Iria que estaba moi contenta por poder celebrar os seus 3 anos, agora xa todos os Pelouros teñen esa idade , aínda que, por pouco tempo...

Para celebrar cantamos a canción de "Parabéns" e comemos un anaco de roscón porque nestas datas e con chocolate está boísimo!

Parabéns Iria!

 

Panxoliña: Chegou o Nadal

 Os nenos e as nenas de infantil cantan xuntos a panxoliña  "Chegou o Nadal" signando, grazas a Rosa, intérprete en lingua de signos que ensaiou  con eles,  e mirade que ben o fan:

Visita dos alumn@s de 1º de Primaria

 Na última semana de cole antes das vacacións de Nadal tivemos a visita no cole de Infantil das nenas e nenos de 1º de primaria ,  que antes foron alumn@s da profe Toñi, así que os recibimos moi ilusionados e agradecidos pola visita. Cantaron unha preciosa panxoliña e deixaron na aula unha postal xigante de Nadal, feita entre todos. Nós, invitamos a que probaran as galletas  da receita que fixemos polo nadal. Grazas as profes Rosa e Marta por facer posible esta visita!

 

Guías de Nadal

 Como todos os anos, un grupo de mestras/es elabora esta guía de libros escritos en galego, así podedes atopar algunha idea nesta época de agasallos, estes contos son os aconsellados para o alumnado de Educación Infantil.

 

Protagonista : André

 Esta semana tivemos de protagonista a André que estivo moi contento ensinando o libro da sua biografía e facendo as tarefas de prota. Mirade que ben construíu as letras do seu nome e fixo o seu debuxo!

Grazas familia por colaborar con esta actividade.

 

Celebración do 25 de Novembro, Día Internacional da Non Violencia contra ás Mulleres

 Para celebrar o 25N ademais de traballar na aula que nos gusta o bo trato, mellor ca o uso da violencia, tivemos unha sesión de contacontos promovida polo CIM (Centro de Información á Muller) do Concello de Bueu en colaboración co Departamento de Orientación do colexio.

A través dos contos:  "Guapa", "Ricitos de oso" e "Maruxa" os cativos e as cativas puideron achegarse a este tema, reforzar a autoestima, valorar as suas capacidades e reflexionar sobre o papel da muller, camiñando cara a igualdade de xénero

Os Pelouros estiveron moi atentos e, como os contos lles encantan, gozaron coa actividade

 

Protagonista: Daira

Esta semana tivemos de prota a Daira , que foi quen de  contarnos a súa biografía e falarnos da súa familia e da súa querida mascota, un coelliño. Como podedes ver debuxou o seu esquema corporal e tamén as letras do seu nome. Grazas familia por colaborar con esta actividade!

 

 

Outono

 Iniciamos esta unidade didáctica observando os cambios na natureza que nos rodea, despois na aula fixemos un mural entre tod@s

Invitamos ás familias a achegarse ao monte para recoller elementos da natureza e compartilos na aula: follas, noces, castañas, ourizos... cos que aprendemos a facer series, conteo, construcción do número, moitos-poucos, diferentes tipos de follas, as cores do outono...Grazas familias por colaborar con esta actividade.

 

Meteoescolas: O tempo en Novembro

 Aínda que temos a sensación de que choveu moito este mes , a cousa estivo mais equilibrada.

Este mes usamos os depresores para contar os días de choiva , sol ou nubrado que houbo.

Como podemos observar na foto houbo empate entre sol e choiva, e un pouco menos de días nubrados.

Así, os Pelouros vanse achegando a noción de número, traballan o conteo dunha forma significativa  e tamén lúdica, que é como mellor se aprende.

 

Protagonista: ROI

 Esta semana tocoulle estar de prota a Roi que gozou sendo o prota da clase , cumpliu moi ben coas súas tarefas de prota e contounos o seu libro onde descubrimos todas as cousas que lle gusta facer.

Grazas familia por facer posible esta   actividade escollendo as fotos e elaborando a biografía de este compañeiro.

 

Aniversario de Novembro

 Este mes tivemos de aniversario a Alex que xa ten os tres anos e mirade que contento sae na foto! Cómo non, era o seu día, o pasado venres soprou as candeas, cantamos a canción dos aniversarios, comemos boliños moi ricos e divertímonos moito! Parabéns!

 

Robótica

Este curso coa implantación do novo currículo da nova lei de educación, e para poñer en páctica unha das liñas de actuación do mesmo que invita "ao deseño de actividades STEAM que faciliten a aplicación do pensamento computacional e que axuden ao alumnado a superar situacións problemáticas de xeito creativo e orixinal" os nen@s acuden unha vez por semana a actividade de robótica coa profe Lucía, van por grupos e están aprendendo ciencia, pensamento lóxico e estimulando a súa creatividade case sen decatarse.

 

Protagonista: SIMÓN

Esta semana estivo colaborando nas tarefas de protagonista Simón, que ao pasar lista tivo que ver como esta  semana estaban moitos compañeir@s enfermos. Simón fíxoo xenial , foi quen de pasar lista, facer o conteo, poner o símbolo do tempo, poñer as letras do seu nome e, o  que máis lle gusta aos protas: ir de primeiro na fila.

Grazas familia por aportar un libro tan completo contándonos tantas cousas sobre Simón, coa vosa axuda pouco a pouco os Pelouros vanse coñecendo mellor e convertíndose nun grupo maravilloso! 

 

O Magosto

 O pasado xoves dia 10 celebramos no colexio o noso Magosto, unha das festas tradicionais que mais nos gusta. Na aula fixemos unha coroa para estar guap@s para a festa, Este ano, relacionado co proxecto do cole sobre o xogo, contamos coa participación dos usuarios da Asociación Juan XXIII que nos acompañaron programando un recorrido por nove xogos tradicionais que eles mesmos foron quen de elaborar no taller de carpinteria do seu centro. Foi unha oportunidade magnífica para coñecelos e estamos moi agradecidos pola súa colaboración. Os nen@s gozaron cos xogos , e despois de cantar a canción do magosto, "O outono" de Uxía Lambona, todos xuntos/as, poidemos probar as castañas que asara o noso conserxe Ramón. Como podedes ver no video o primeiro Magosto no cole dos nosos Pelouros foi moi especial.

 

Protagonista: UXÍA

Esta semana tivemos de prota a Uxía, como a todos os protas encantoulle colaborar coas tarefas da asamblea: pasar lista, poñer as  letras do seu nome, debuxarse na pizarra...

Tamén trouxo un precioso libro cheo de fotos onde nos conta as cousas que máis lle gusta facer.

Grazas familia por aportar esta biografía a nosa aula para que coñezamos mellor a Uxía. 

 

Degustación de froita do outono

 Hoxe fixemos na clase unha degustación de froita do outono: pera, mazá,uvas, caqui, mandarina,granada...

Tod@s participamos probando , algunhas  gustáronnos máis, outras menos, pero o importante foi que gozamos coa experiencia.😋