Hoxe os Pelouros despois de toda unha semana preparándonos, viñeron disfrazados ao colexio para facer festa "rachada" na aula e así festexar o Entroido. A profe Teruca prestounos unhas luces de cores para poder semellar unha discoteca e pasámolo moi ben bailando.
Tamén fixemos unha merenda coas orellas e filloas típicas desta festa e no patio contamos coa actuación da comparsa de Bueu "Os mulos".Grazas a tod@s por participar
Hoxe celebramos na aula dos Pelouros o aniversario de Pablo que xa ten agora 6 anos. Coma sempre fixemos unha pequena festa e comemos uns boliños boísimos, que aínda estaban quentes cando chegaron!
Parabéns para Pablo!!!
Comezamos a traballar o proxecto "Os inventos", os nosos preferidos polo momento: a roda, o teléfono e a imprenta.
"Non hai mellor receita para se sentir ben que recibir unha aperta.Así entendemos nós a Paz: coidarse, quererse e darse aloumiños. Para todas aquelas persoas que estes días máis precisan unha aperta, aquí vai a nosa, da man do benquerido Magín Blanco."
Para o día da PAZ E DA NON VIOLENCIA, ensaiamos e cantamos esta canción, que de seguro xa viñades desfrutando na casa cos vosos peques, e que agora vos deixamos aquí para que podades cantala con eles.
E días máis tarde rematámolo na aula, e fixemos un debuxo da canción "Rumba das apertas"
Neste mes de xaneiro, Carla, Lucas e Ánxela cumpriron 6 anos. Foron os primeiros en celebrar o aniversario no ano 2022.
Parabéns para os tres!!!
