Este mércores tivemos a visita de Paco Nogueiras que achegouse ao cole de Infantil para contarnos varios contos: Flores; Grande e pequena; Unha eiruga moi larpeira; Non é unha caixa é unha cidade; e A banda que ninguén coñece. Tamén tocou o ukelele, o acordeón...
Os Pelouros , que son moi fans dos contos , disfrutaron moito con esta actividade.
.jpg)
O xoves tivemos a visita de Paco Nogueiras que veu para contarnos uns contiños acompañados da súa música: acordeón, ukelele...
Empezou contando o contiño "Violín", despois levounos "Polo mar salgado", e contounos as aventuras dus bechos e o sapo co conto : "Tarde de sapo".
Para traballar o conteo, o conto de "Cinco ratiños" e o premiado "Bom Bam Bum" sobre tres amigos que van cara a praia e polo camiño van sumando bañistas e para rematar "Un dous tres , ti que ves"
Como sempre con Paco os nenos e nenos gozaron con cada conto e pasárono xenial!!!
Grazas á editorial Kalandraka por esta actividade.
.jpg)
Esta semana temos a Telmo de protagonista e tivemos a sorte de que o mércores puideran achegarse ata o cole as duas avoas .
Primeiro a avoa de Meiro contounos as súas aventuras cun raposo e outras historias dos seus animais e conseguiu que os Pelouros estivesen moi atentos e gozaran con esas historias verdadeiras.
Despois contáronnos o conto "O último canto" e mesmo foron quen de que os Pelouros e a mestra cantasen "O sole mio" a canción que sae no conto . Un relato precioso sobre a vida e a morte , sobre como seguir as pegadas dos nosos pais para que estos se sintan orgullosos de nós.
Grazas avoas por vir ao cole e colaborar co esta actividade.
.jpg)
O pasado luns achegouse ao cole, Anxo, avó dun neno de Primaria, que quiso compartir connosco un anaco do seu tempo, para contarnos un conto do trasno "serpican", metade serpe e metade can e das súas trasnadas. Grazas por facernos gozar dunha historia tan fantástica!.
.png)
O pasado xoves tivemos a sorte de contar na nosa escola coa visita de Boniface Ofogo, autor de libros como "O león Kandinga", "A paso de tartaruga" e "O elefante que perdeu o seu ollo" e contounos estes dous últimos, despois de contarnos como na súa aldea en Africa todas as noites , sen televisión, facían a carón do lume, cantos e contos tradicionais.
Destacou a importancia de achegar aos nenos e nenas dende idade temperá, á tradición oral, como piar da súa formación humana e cultural.
Grazas tamén ao ilustrador Marc Taeger que acompañou a Boni debuxando ao elefante do conto, que nos invita a tomarnos as cousas con calma...
Moitas grazas á editorial Kalandraka por facer posible esta actividade.
O pasado xoves tivemos un contacontos moi especial porque achegouse ata o cole a autora de "Lúa quere viaxar a Marte" , Celtia, para contarlles a través duns títeres a historia da gatiña que quería chegar a Marte a pesar de atopar moita oposición no seu empeño. Ao final tamén tivo tempo de ir asinando os contiños.
Grazas familias por agasallar aos nenos con este conto e facer posible este contacontos tan especial!
