Apadriñamentos lectores

 Este curso para celebrar o día das Bibliotecas , que ven sendo o aniversario de Papirus, que foi o pasado 24 de outubro, decidimos facer un apadriñamento lector entre os Pelouros e o alumnado de 6º de Primaria, que celebramos hoxe.

Despois do patio os Pelouros recibiron moi ilusionados a un grupiño de 6º. Estes, contaron varios contos: 

"O oso atrapa bolboretas", "Corre,corre cabaciña " , "Os Bolechas" , "Non quero ser un polbo" e "O carrizo".

Os Pelouros foron un público moi atento que gozou moito da actividade dado que lle encantan os contos e tiveron unha more deles.

Graciñas amiguiños e amiguiñas de sexto!

 

Protagonista : Zoe

Esta semana tivemos de protagonista na aula a Zoe , e hoxe recibimos a visita de Rubiela , a súa nai, que veu a falarnos do seu traballo nunha carniceria . Explicoulles moi ben o seu uniforme , ferramentas e tipos de carnes que hai. 

Logo fixeron unha pequena ficha explicando os cortes da carne . Para rematar trouxo unha canción coa que bailamos e aprendemos . Zoe reparteu un pequeno agasallo para todos os Pelouros .

Grazas familia por facer o esforzo de participar en esta actividade. 

 

Aniversario de Outubro: Elia

Este xoves celebramos na aula o aniversario de Elia que se suma aos que xa teñen 4 anos . Fixo a súa coroa e decorouna . 

Cantamos a canción de "Parabéns para ti" antes de soprar as candeas para despois poder degustar os boliños que tanto nos gustan. Rematamos con música e baile. 

Parabéns Elia! 

 

Obradoiros de Samaín

 Este venres celebramos os obradoiros de Samaín para rematar unha semana chea de actividades.

Empezamos escoitando un contacontos dun lobo feroz que quería ser feliz , despois fomos ao taller de baile , probamos sorte nunhas caixas especiais cheas de cousas noxentas , algúns probaron sorte , a outros doulles noxo...ao final houbo un tatoo de agasallo para todos.

Despois xogamos a facer o teatro de trick or treat coa profe Marina de inglés, e xa cansos fomos repoñer forzas cunha merendola especial  de Samaín .

Para rematar xogamos no patio e fixemos no derradeiro obradoiro unha manualidade dun esqueleto.

Grazas a todos! Foi unha xornada fantástica!!! 

 

Obradoiro de baleirado de cabazas

 Esta semana do Samaín tamén atopamos tempo para baleirar unha cabaza na aula, que Roi trouxo para compartir connosco. 

Entre todos os Pelouros fomos sacando todo o que a cabaciña tiña dentro, fixemos boca ollos e nariz, con toda a aula a escuras, puxemos a candea na cabaza .

Para rematar música de Samaín e baile , que ben o pasamos! 

 

Protagonista: Pablo Freire

 Esta semana , está de prota Pablo Freire , e ademais das súas tarefas de prota , hoxe estivo acompañado do seu pai Miguel que veu a facer un pequeno concerto na aula. Tocou a guitarra e cantou   as cancións favoritas dos Pelouros : A vaca Lola, Bartolito e Tiburón .

Os nenos e nenas pasaron un tempo xenial cantando, e para rematar, Miguel deixoulles un agasallo e unha sorpresa: unha canción dos Pelouros cos nomes de todos os nenos e nenas da clase . Que boa idea!

Grazas familia polo esforzo de preparar esta actividade.  

 

Contacontos de Samaín

 Esta semana entramos de cheo no Samaín , decoramos a nosa aula cunhas cabaciñas e tivemos a sorte de gozar dun contacontos de Samaín grazas a Helena e Ana , que nos contaron uns contos terroríficos e fixeron desfrutar aos nenos e nenas sen pasar nadiña de medo. Moitas grazas por o voso esforzo , o sorriso dos cativos é, sen dúbida , a mellor recompensa!

 

Protagonista : Aroa

 Esta semana empezamos coa actividade do protagonista e tocoulle a Aroa ser a primeira. A proposta da familia foi visitar o lugar de traballo da súa nai Helena , que nos levou a visitar o Supermercado Eroski.

Fomos polo rio Bispo , aproveitamos para ver os cabalos e gozar co paseo. 

Xa no supermercado Helena foinos amosando todas as seccións do supermercado, a panadería onde fan o pan, a froitería, peixería , carnicería... 

Con preguntas para os nenos e nenas, e explicacións, Helena foi unha guía estupenda!

O que máis lle gustou a os Pelouros foi  coñecer no almacén a máquina que aplasta as caixas de cartón, e por suposto, a merenda a que foron convidados por Aroa e a súa familia .

Moitas grazas por facer este esforzo e preparar con tanto agarimo unha visita que lle encantou aos Pelouros. 

 

Receita de Outono

 Como esta semana visitamos o supermercado aproveitamos para mercar os ingredientes que necesitabamos para elaborar unha receita de outono na aula.

Nas fotos podedes ver aos Pelouros todos felices despois de contar o conto de "Corre, corre, cabaciña" facer unha receita que tivese como ingrediente cabaza. 

Como gozan de mesturar remenxer, probar...e finalmente, depois de pasar polo forno, poder comer!  😋

 

Día das Escritoras

 En octubre celebramos o Día das Escritoras para recuperar o seu legado e facer visible o traballo das mulleres na literatura. Para celebralo na escola, dende o Departamento da Biblioteca do centro, este curso invitouse a unha escritora de Bueu, poetisa, Mirian Ferradáns, para facer un taller en todas as aulas. 

O pasado martes 13, xuntámonos Pelouros e Furabolos, para escoitar a súa proposta , que en infantil consistiu en imaxinar animais ocultos de Bueu pero engadir un toque fantástico e debuxar ditos animais . O nenos e nenas gozaron moito de deixar voar a súa imaxinación e así apareceron cabalo con ás...e ...moitos mais.

  

Novo proxecto: Bueu, a miña vila

 Este curso iniciamos un novo proxecto en todo o centro: "Os tesouroas ocultos de Bueu" e en 5º de Infantil imos empezar estre trimestre por achegarnos a coñecer un pouco máis a nosa vila .

 Os primeiros dias de curso disfrutamos de coñecer o Minific e agora estamos metidos de cheo na nosa vila. Dado que consideramos moi importante a colaboración das familias coa comunidade educativa pedimos colaboración ás familias para iniciar o proxecto , e dende aquí quero agradecer o esforzo por todas as aportacións... a cara dos nenos e nenas tan felices cos seus carteis supoño que compensará o tempo adicado en familia a elaboralo. Moitas grazas!!!

 

 

 

Aniversarios de Setembro

 O pasado venres celebramos na aula dos Pelouros os aniversarios de Roi que xa cumpliu en agosto,  e Pablo Fernández que cumpliu este mes de setembro.

Primeiro tiveron que decorar a súa coroa para despois de cantarlle xuntos a canción de aniversario, poder soprar as candeas e comer uns ricos boliños.

Parabéns para os dous!!! 

 

Saída ao MiniFIC

 O pasado luns achegámonos camiñando ata o Centro Social do mar para participar nunha sesión de curtas dentro da progamación do MiniFIC. Vimos en total sete curtas , fixemos unha paradiña no photocall e despois voltamos para o colexio onde fixemos unha votación para saber cal foi a curta que máis gustou na nosa clase, este ano triunfou "Dúo". Agora seguiremos na aula realizando unha unidade didáctica para achegar aos mais cativos ao sétimo arte.

 

 

 

 

Fin de curso

 Esta semana chegaron por fin as actividades que os Pelouros estaban esperando . O mércores con moita ilusión fomos a celebrar o festival e a graduación dos nosos compañeiros e compañeiras que se van para primaria . Nós colaboramos cantando a canción de "Fun ao mercado" que tanto nos gusta, e bailamos xenial!

Ao voltar ao cole tivemos a nosa merendola , onde celebramos que xa faltaba pouquiño para as vacacións...

O venres fomos a despedir o curso no cole de primaria gozando da actuación do mago. Grazas a todas as familias que puideron achegarse ata o cole. 

Disfrutade do verán , Felices vacacións!!!😎