A organización do correlingua tiña preparada unha actuación para hoxe. Data para celebrar a nosa lingua Galega. Que sorte temos de poder falar unha lingua coma esta!
Para poder ver o espectáculo collimos un autobús que nos levou ata o centro social de Bueu. Cada un de nós ocupou o seu asento e deu comezo o espectáculo.
Hoxe foi un día completo de festa. Viñemos disfrazados ao cole, preparamos entre todos unha cabaza á que lle puxemos unha candea no seu interior, tivemos merenda terrorífica e ata celebramos os aniversarios dos compis do mes de outubro. Non nos deu tempo a aburrirnos!
Hoxe subimos ao cole de maiores xa que Papirus está de aniversario. Fomos cos nosos compis Os Furabolos ata o corredor no que vive Papirus, no fondo do mar do bibliocastelo da Pedra. Alí Papirus tiña unha tarta coa que lle cantamos os "parabéns". Logo entramos dentro da bibliocastelo, onde a profe Lucía nos contou o conto da Bruxa Regañadentes.
Despois de escoitar cancións de Samaín, sobre todo a dos esqueletos, que xa a sabemos de memoria quedáronnos gañas de converternos neles. Non o tiñamos moi doado, pero cun pouco de maxia conseguímolo. Mirade!
Para traballar o conteo que mellor forma que facer os nosos propios conxuros mesturando uns ingredientes un tanto especiais. Que vos parecen?
