Experimentos

 Os experimentos son unha maneira práctica de achegar a ciencia aos nenos e nenas, e, en educación infantil, é moi importante aproveitar a natural curiosidade dos cativos.

Como estamos traballlando a unidade temática da primavera fixemos estes experimentos:

O 16 de abril teñir as flores con colorante alimentario

O 21 de abril extraer a clorofila das follas 

Os Pelouros estaban asombrados, da gusto ver o seu interese por estas actividades!!!

 

BECHOS

 O martes tivemos a visita no cole de Miguel, de "Mundo bichos", un biólogo , que sinte paixón polos bechos e veu ata a aula para ensinarnos moitas cousas destes pequenos bechiños: qué comen , cómo se reproducen , onde viven ...

Tamén permitiu que os nenos e nenas tocasen a maioría dos insectos: o insecto pau, o saltón de folla verde, as cascudas , os escaravellos, os milpés, e incluso a tarántula , que como veredes nas fotos moitos valentes atrevéronse a tela nas mans.

Os Pelouros gozaron moito da actividade, pero sobre todo Roi , porque é tamén un apaixonado dos bichos e por pouco non deixa marchar a Miguel!😂

 

 

 

 

Xogamos con Hervé Tullet

 Hoxe empregamos un xogo de Hervé Tullet. exploramos e manipulamos libremente cada unha das cartas. Logo, entre todos, decidimos construir o noso propio camiño. Tiñamos que estar moi atentos para facer coincidir as liñas e poder continuar o camiño. Así nos quedou:

Despois decidimos debuxar entre todos camiños parecidos. A idea gustounos moito, e irémola repetindo.