Obradoiros de Nadal

 Esta última semana os Pelouros foron ata a aula dos seus compañeiros os Furabolos para participar nun taller de galletas , como actividade final do conto que estivemos traballando este trimestre "O homiño de xenxibre" e, como xa sabedes canto nos gusta amasar , foi xenial, e o mellor de todo, as galletas estaban moi ricas!😋

O venres 19 pola maña fomos aos obradoiros da profe Carla e de Eli, onde participamos en diversas actividades e manualidades. Despois collemos forzas, cun chocolate e biscoito, para rematar a xornada no cole de primaria , visitando os Reis Magos e participando na actuación musical con toda a comunidade educativa .

Agora toca descansar nas vacacións . 

Bo Nadal! 

 

Visita ao IES Johan Carballeira

 O luns 15, fomos de visita ao IES Johan Carballeira para unha sesión de maquillaxe de Nadal e pintado de unllas no obradoiro do ciclo de Imaxe Persoal. Alí  disfrutamos dunha transformación fantástica!

Despois para rematar a xornada visitamos as portas das aulas do instituto que estaban todas decoradas con motivos de Nadal.

 

Obradoiros de Samaín

O pasado xoves día 30 de outubro tivemos unha xornada moi especial e diferente : "Os obradoiros de Samaín" polos que fomos rotando todas as aulas. Primeiro coa mestra Carla, un obradoiro de tatoos, despois música terrorífica na pantalla e a bailar coa mestra Tati, para despois gozar facendo apócemas coa profe Ana . Despois tivemos que facer unha paradiña para repoñer forzas, cunha boa merenda e por último con Marina ensaiamos o " Trick or treat" e aínda tivemos tempo de xogar no noso fermoso patio!

 

Mabel ensina o seu tear

 Este luns recibimos no cole a Mabel , antiga mestra deste centro, que veu para explicarnos un dos oficios artesáns da Idade Media. Despois de explicarnos a orixe da la, e todo o proceso para convertirse nun nobelo que nos permita tecer, ensinounos a súa máquina artesán para tecer e un a un fomos comprobando o seu funcionamento, así puidemos saber o traballo que todos  os oficios artesáns teñen detrás.

Así entre todos fixemos un fermoso tecido que quedará na aula para recordar este día, e nos mesmos estamos tecendo na aula, con moita paciencia e creatividade, cos nosos  teares de cartón... 

Graciñas,Mabel, por compartir connosco

unha xornada tan especial!

 

 

Pekerecicla: Taller de reciclaxe

Este mércores recibimos no cole a Rocío que veu a ensinarnos como reciclar correctamente. Dun xeito moi divertido e ameno foinos repasando como reciclar correctamente e a importancia que esta pequena acción ten sobre o noso planeta. 

OBRADOIROS DE NADAL

 O pasado martes tivemos os obradoiros de nadal no noso cole onde os nenos e nenas puderon desfrutar de diferentes actividades ao longo de toda a xornada escolar. Conto musical coa mestra Pilar de música, elaboración dunha postal de nadal coa mestra Marina de inglés, obradoiro sensorial coa mestra Tania, Obradoiro de baile e pandeireta con Raquel e Ana, e intalación navideña coa mestra Lucía. 

Os Pelouros gozaron dunha xornada fantástica. Grazas a todas!

 

Obradoiros de Samaín

 Este mércores celebramos no cole os obradoiros de Samaín. Primeiro tocounos mover o esquelete coa profe Toñi que nos fixo bailar coa música de Samaín. Despois a profe Marta ensinounos a facer unha apócema. Mais tarde acudimos a facer unha manualidade terrorífica coa profe Ana. Despois tivemos que facer unha paradiña para repoñer forzas e tomamos unha merenda especial de samaín. 

Acudimos á biblioteca para facer o obradoiro de contacontos , cun xogo cooperativo de montar un puzzle por grupos e facer unha cara monstruosa con plastilina.

Para rematar a teacher Marina amosounos o  treat or trick.

Pasamos unha xornada xenial!!! Grazas a todas as profes porcolaborar!