Nadal 2024: Os Reis Magos e festa rachada!

Este venres tivemos a despedida do trimestre. 

Os Pelouros foron convidados polos "peixiños" de tres anos para acompañalos e festexar xuntos. Qué ben o pasamos!!!

Despois fomos ata o colexio de Primaria para poder visitar aos Reis Magos.

Rematamos cantando todos xuntos as panxoliñas que cada ciclo aprendera.

Bo Nadal !!! 

 

Aniversarios de novembro e decembro

 Este venres celebramos o aniversario de Alex que quedou pendente de novembro, porque estivo enfermo, e de Iria que cumplirá a finais de decembro.

Primeiro decoraron a súa coroa , cantamos a canción de "Parabéns" e sopraron as candeas, esta vez nun "panettone" que depois puidemos degustar.

Agora xa todos os Pelouros teñen 5 anos !

Parabéns para Alex e Iria!

 

Visita ao IES Johan Carballeira

 Hoxe a primeira hora da mañá fomos ata o instituto para ver a instalación de nadal que fixeron os alumnos do ciclo de soldadura do centro: uns renos e unha fermosa árbore de nadal toda chea de luces! Alí estaba o mestre e os seus alumnos para ensinarnos o seu traballo . Despois fomos convidados a visitar o taller de soldadura e quedamos abraiados con tanta maquinaria que alí había. Aprendemos moitas cousas novas sobre o ferro e como se  traballa.

Por último  fixemos un recorrido por o instituto para ver a decoración de nadal de algunhas portas das aulas.  

Así contentos e felices voltamos ao cole para degustar as galletas  coas que fomos agasallados.

Graciñas!!!

 

Horto : plantamos bulbos

 Este luns os Pelouros visitamos a nosa horta e puidemos comprobar como nos naceran as patacas e os allos que plantamos con Pilar, a avoa de Iria. Esta vez achegámonos á horta para plantar uns bulbos de plantas ornamentais como tulipán ou fresia... , esperemos a ver que sae!!!

 

OBRADOIROS DE NADAL

 O pasado martes tivemos os obradoiros de nadal no noso cole onde os nenos e nenas puderon desfrutar de diferentes actividades ao longo de toda a xornada escolar. Conto musical coa mestra Pilar de música, elaboración dunha postal de nadal coa mestra Marina de inglés, obradoiro sensorial coa mestra Tania, Obradoiro de baile e pandeireta con Raquel e Ana, e intalación navideña coa mestra Lucía. 

Os Pelouros gozaron dunha xornada fantástica. Grazas a todas!

 

Protagonista Lara: o avó José

 Esta semana tivemos de protagonista a Lara que o pasado mércores veu acompañada do seu avó José que nos veu a falar dos xoguetes que fabricaba él mesmo cando era cativo. 

Primeiro ensinounos como elaborar un "gatiño", cun anaco de loureiro, e repartiu un a cada neno/a. Os Pelouros gozaron moito do invento porque conseguían facer o son dun gatiño. E non paraban !!! O xoguete gustoulles moito.

Despois cunha palliña e un bugallo amosounos como flota a terra no universo. E para rematar un xogo de cartóns , ao que aínda hoxe xogan na aula.

Despois contounos a historia do seu cabaliño de cartón con moralexa incluída . Ben certo é, como di un proverbio africano, que para educar un neno /a fai falta toda a tribu, e os avós fan unha labor moi importante neste sentido.

Grazas por vir !!!

 

Protagonista : Carla

 Esta semana tivemos de protagonista a Carla , e o pasado mércores achegouse ata a escola a súa avoa Alicia que tivo a ben contarnos moitas das cousas que fixo ao longo dos anos, e ben atentos que estaban os Pelouros que, as historias, sobre todo se son reais, gústanllle un montón!

Despois foi Carla que nos leu un conto, moi divertido "Unha liada de mermelada", e esta nena deixounos abraiados co ben que le , demoslle un forte e merecido aplauso!

Graciñas familia por colaborar

 

Protagonista: Ainara

 Esta semana tivemos de protagonista a Ainara e o mércores recibimos a visita da súa avoa Rosario e a bisavoa Fita. Esta contounos moitas cousas do seu traballo, e mesmo aproveitamos a ocasión para preguntar cousas do noso proxecto "Imos de Romaría " como nós iremos de cantar de cego , ela recordaba cando hai moito tempo viñan os cegos a actuar os días de mercado diante da plaza, contounos moitas cousas do tema.

A avoa Rosario contounos o conto "Once damas atrevidas" , conto que fai unha divertida retroconta e remata en Bueu!

E Fita, xa que esta semana e a celebración da non violencia contra as mulleres, contounos o conto de "Maruxa" que trata sobre a importancia de repartir as tarefas domésticas .

Graciñas por achegarvos ao cole e compartir un anaquiño de tempo connosco.

 

Protagonista Telmo: As avoas Charito e Rosario

Esta semana temos a Telmo  de protagonista e tivemos a sorte de que o mércores puideran achegarse ata o cole as duas avoas .

Primeiro a avoa de Meiro contounos as súas aventuras cun raposo e outras historias dos seus animais e conseguiu que os Pelouros estivesen moi atentos e gozaran con esas historias verdadeiras.

Despois contáronnos o conto "O último canto" e mesmo foron quen de que os Pelouros e a mestra cantasen "O sole mio" a canción  que sae no conto . Un relato precioso sobre a vida e a morte , sobre como seguir as pegadas dos nosos pais para que estos se sintan orgullosos de nós.

Grazas avoas por vir ao cole e colaborar co esta actividade.

 

 

Protagonista Alex: a avoa Mari

Esta semana estivo de prota Alex, e hoxe tivemos a sorte de contar coa visita da súa avoa Mari, que veu a contarnos moitas historias dos seus  animais : os años aos que lle daba o biberón , as cabras que subian ao tellado da casa, os porquiños pequenos que se agochaban debaixo das follas secas... Os Pelouros estaban moi atentos , encantoulles escoitar todas as historias de cando a avoa Mari era mais nova e coidaba de moitos animais.

 Graciñas  Mari, por achegarte ata o cole e facernos participes das túas aventuras ! 

 

Magosto 2024

Este ano celebramos o Magosto o mércores día 13. Primeiro fomos a comprobar como asaba Ramón, o noso conserxe, as castañas e tamén aproveitou para facernos algúns dos seus trucos de maxia . Esta vez tocoulle a Ainara participar, e, todos quedaron abraiados cando da súa cabeza sairon castañas. Grazas Ramón !

Despois , grazas ao bo tempo, puidemos gozar no patio, cos xogos populares que nos trouxo a asociación "Corredoiras". Xogamos coas chapas , trompos, aros , corda , carozos ...e non podian faltar os pelouros aos que a profe Toñi era tan aficionada cando era pequena. 

Fixemos carreiras de sacos , saltamos a corda... foi unha xornada xenial!

Para rematar xuntámonos todos os nenos e nenas para cantar a canción do Magosto e despois papar as castañas; que estaban boisimas!😋

 

Protagonista Iria: A avoa Pilar

 Esta semana esta de prota Iria , e tivemos a visita no cole da súa avoa Pilar que veu a falarnos da sua horta . Ensinounos un aguacate e trouxo outro preparado para que medrase na aula . Despois fomos para a horta onde os Pelouros colaboraron en limpar arrancando o millo. Despois, Pilar ensinou como plantar unhas patacas , allos e repolos . Esperemos que esta vez non veñan os caracois a darse en banquete!

Grazas, avoa Pilar, por achegarte a clase dos Pelouros e ensinarnos tantas cousas.

 

 

Obradoiros de Samaín

 Este mércores celebramos no cole os obradoiros de Samaín. Primeiro tocounos mover o esquelete coa profe Toñi que nos fixo bailar coa música de Samaín. Despois a profe Marta ensinounos a facer unha apócema. Mais tarde acudimos a facer unha manualidade terrorífica coa profe Ana. Despois tivemos que facer unha paradiña para repoñer forzas e tomamos unha merenda especial de samaín. 

Acudimos á biblioteca para facer o obradoiro de contacontos , cun xogo cooperativo de montar un puzzle por grupos e facer unha cara monstruosa con plastilina.

Para rematar a teacher Marina amosounos o  treat or trick.

Pasamos unha xornada xenial!!! Grazas a todas as profes porcolaborar!

 

Os Pelouros celebran o Samaín

 Esta semana estamos celebrando na aula o Samaín e grazas a colaboración das familias que compartiron unha cabaza connosco puidemos facer o obradoiro de baleirado de cabazas. O que máis lle gustou foi o medo que daba ao final a nosa cabaza terrorífica!

 

Aniversarios de Outubro

 Este mes de outubro tivemos de aniversario na aula a dous curmans:Telmo e Ainara que celebran o seu 5º aniversario no mesmo mes .

Xuntos decoraron a coroa e despois de cantar os Parabéns e soprar as candeas fomos a papar eses boliños tan ricos . Tamén tivemos tempo para escoitar e bailar as nosas cancións favoritas. Parabéns Ainara e Telmo!

 

Biblioteca: Apadriñamentos Lectores

 Hoxe 24 de Outubro celebramos no colexio A Pedra o aniversario da nosa mascota o pulpo Papirus.

Este ano, ademais da presentación que fixeron do tema deste curso "Levántase o pano", explicando a orixe do teatro e outras cousas curiosas dese tema, tivemos unha actividade moi especial e foi que os nenos e nenas de 3ºA achegáronse ao cole para recoller aos Pelouros e acompañalos ata o cole de primaria, onde nos tiñan preparada a dramatización do conto "A mosca chosca" . Eses nenos e nenas que agora están en 3º tamén foron pelouros cando estaban en infantil, así que foi para min unha felicidade poder compartir con eles este anaquiño de tempo. A obra foi xenial porque todas e todos son uns artistas!  O mellor de todo e que coidaron con moito agarimo dos Pelouros. 

Graciñas por ter ensaisado tanto e facernos gozar do teatro!

 

Os Pelouros visitan a panadería

 Este mes de outubro estamos traballando no proxecto do millo, e tiñamos programada unha visita a panadería de Olga pero tivemos que esperar a que o tempo nos permitira sair cos nenos e nenas . 

Hoxe mércores, alá fomos, todos contentos e Carlos explicounos moi ben todo o proceso de facer o pan e deixounos amasar o noso boliño de pan. Foi unha experiencia fantástica para tod@s, e estamos moi agradecidos a Carlos pola súa paciencia e por sacar do seu tempo de traballo para facernos esta actividade.

 

Os Pelouros fan madalenas de cabaza

Este ano a colleita na nosa horta foi moi pobre , pero aínda así colleitamos unha pequena cabaza que polo seu peso era perfecta para facer a receita de madalenas de cabaza, e unha receita moi sinxela pero aos Pelouros encantoulles! 

 

Aniversario de Setembro

A pesar de celebrar o aniversario no cole en setembro, Carla xa cumplira 5 anos en agosto, pero tivo que esperar a que empezara o cole para celebrar na aula dos Pelouros o seu aniversario. Como vedes estaba moi contenta , e os seus amiguiñ@s tamén porque o que é celebrar gústalles moito! 

Carla decorou a súa coroa , cantamos , soprou as candeas , comemos os boliños, e logo... a bailar!!!

 

 

Os Pelouros van ao MiniFIC

 Hoxe os Pelouros tivemos unha xornada moi especial, que estabamos esperando durante toda a semana, fomos camiñando ata o Centro social do Mar para asistir a unha sesión de curtas ao MiniFIC de Bueu.

Ao chegar deixamos as nosas aportacións para o banco de alimentos e a flor que fixemos na aula para o mural do Fic e sacamos a foto de grupo. Despois xa sentadiños na sala estivemos super atentos ás curtas .

E as cinco que proxectaron parecéronnos poucas de tanto que nos divertiron! A favorita na nosa aula despois da votación foi "Pezuñas con patíns"