Proxecto: Ler para voar , voar para soñar

 Este trimestre , como xa sabedes , estivemos traballando o proxecto de "Ler para voar , voar para soñar"

Como actividade final fixemos unha visita ao Bibliocastelo, a biblioteca de primaria, onde se atopa Papirus.

O 4 de marzo saímos cos nosos compañeiros os furabolos para poder recorrer os espazos da biblio: espazos creativos , tecnolóxico e artístico , manipulativo...

Descubrimos zonas de xogos como o recanto dos disfraces , construcción con legos , xogos de mesa, recantos de lectura relaxada con contos axeitados a nosa idade. 

A profe Teruca fixo este video da actividade , que  compartimos para que vexades como gozaron da visita

 

Protagonista : Teo

Esta última semana de febreiro tivemos de prota na aula dos Pelouros a Teo e grazas a o libriño que trouxo , agora coñecemos mais da súa historia , familia , gustos... 

Teo estivo encantado de pasar lista , facer o conteo , colocar o símbolo do tempo..., todas as pequenas cousas que fan os protas durante a asamblea , que aínda que semellen sinxelas ao converterse en rutinas dan seguridade ao tempo de inicio da  xornada escolar e permiten traballar aspectos da lectoescritura , o conteo e o esquema corporal dunha maneira lúdica e que lles encanta.

 

 

Entroido 2026

 Este curso  , dentro do proxecto xeral do centro "Deseñando o futuro", os nenos e nenas de tres anos decidiron coñecer un pouco mais a Papirus , a mascota da nosa biblioteca, co enfoque na promoción da lectura : "Ler para soñar , soñar para voar"

O pasado venres 13 de febreiro por mor do tempo non puidemos xuntarnos co alumnado de primaria,pero en infantil fixemos festa igual, merendamos as larpeiradas típicas do entroido e tivemos a actuación da comparsa de Bueu "Os Mulos". 

 

Protagonista : ZOE

 Esta semana do 9 de Febreiro tivemos de protagonista a Zoe que estivo moi contenta de contarnos a súa biografía e realizar durante a semana todas as tarefas da asamblea . Pouco a pouco, grazas a actividades como esta, os Pelouros vanse coñecendo mellor e establecendo vínculos, que é un dos obxectivos da educación nesta etapa.

Grazas familia pola vosa colaboración.