MAGOSTO 2025

O pasado martes 18 celebramos o magosto no cole. Saímos do noso  centro e fomos camiñando ata o centro de Primaria onde a asociación Corredoira xa nos tiña preparados uns xogos tradicionais como: bolos , corda, chapas, aros...

Despois do xogo, e xa coas familias que puideron achegarse ata o centro, comemos as castañas que nos asaran os alumnos do IES Joham Carballeira.

Grazas a todos os que fixeron posíbel este Magosto tan fantástico!

 

Degustación de froitas do outono

Esta semana para rematar coa unidade temática do Outono fixemos na aula unha degustación dalgunhas froitas do outono.  A granada pareceulle como gominolas , o caqui tamén lles gustou... 

Estou encantada con estes Pelouros porque a maioría probaron todo e comeron ata non deixar nada!😋.  

 

Obradoiros de Samaín

O pasado xoves día 30 de outubro tivemos unha xornada moi especial e diferente : "Os obradoiros de Samaín" polos que fomos rotando todas as aulas. Primeiro coa mestra Carla, un obradoiro de tatoos, despois música terrorífica na pantalla e a bailar coa mestra Tati, para despois gozar facendo apócemas coa profe Ana . Despois tivemos que facer unha paradiña para repoñer forzas, cunha boa merenda e por último con Marina ensaiamos o " Trick or treat" e aínda tivemos tempo de xogar no noso fermoso patio!

 

Samaín: a nosa cabaza

 Estes Pelouros estan aprendendo moitas cousas e unha delas é a compartir . Así, Lúa compartiu connosco unha grande e fermosa cabaza para que todos os Pelouros puideran axudar a baleirala. Primeiro fixemoslle a cara, os ollos de triángulo, o nariz redondo como no conto de "Tito"  ( que lles gusta moito) e despois unha boca contenta, para que non se asusten moito estes cativos.

Gozaron moito de ver o que había dentro da cabaza e sácalo para fóra , pero o mellor veu ao final cando apagamos as luces e acendemos a candea...qqqqué medoooo! 

 

Aniversario de Outubro: Elia

 O pasado venres celebramos na aula o aniversario de Elia , que esta semana cumpliu 3 anos !

Primeiro decorou a súa coroa e despois cantamos xuntos a canción de "Parabéns para ti" para despois de soprar as candeas poder comer uns ricos boliños.

 

 

As folliñas caen...

 Os Pelouros xa están metidos de cheo na unidade didáctica do outono, e o pasado venres quixemos saír da aula , apoveitando o bo tempo , a recoller unhas poucas follas . Para eso achegámonos ata o instituto Joham Carballeira , pedimos permiso e puidemos gozar xogando debaixo das fermosas árbores que teñen . Podedes imaxinar que ben o pasaron , collían as follas , lanzábanas , xogaron na pendente coma se as follas fosen un tobogán ... ata a mestra acabou co pelo cheo de follas. 

Pero o máis fermoso de todo foi como unha compañeira lembrouse de que Lúa non estaba porque atopábase enferma e tivo que marchar, e dixo que ía recoller unhas poucas follas para Lúa. "Que boa amiga!" dixen eu : meu dito meu feito, todas e todos quixeron ser bos compañeir@s e trouxeron follas para Lúa.

Da gosto ver como en pouco máis dun mes que levamos xuntos xa están xurdindo fermosos lazos de amizade. 

Ao voltar para o noso cole preguntaban cando íamos volver...

 

 

Paseo polo rio Bispo

 Este mércores os Pelouros xunto con outras aulas sairon do centro para ter un contacto máis directo coa natureza . Esto foi como un anticipo para a nova unidade didáctica sobre o outono que iniciaremos a vindeira semana. 

Estes pelouros son moi observadores e descubrían todo: as follas secas , as flores , o río ... pero o que máis lle gustou foi ver os cabalos. 

Como era a nosa primeira saída foi moi curta, pero xa andan preguntando cando volvemos a saír ...

Chegamos cansos pero moi contentos! 

 

Aniversario de Setembro

 

No cole da Pedra cremos na importancia deste tipo de festexos, pois resultan moi significativos para os nenos e nenas, non só incrementa a súa autoestima e o feito de sentirse valorados e protagonistas, senón que mellora a comunicación e reforza vínculos cos compañeiros e compañeiras.

É claramente un momento de vínculo emocional que axuda a fomentar un autoconcepto positivo de nós mesmos.

Este mes tivemos de aniversario a Pablo Fernández que cumpliu 3 anos ao pouco de comezar a escola e aínda que tivo que esperar ao último venres do mes para celebralo na aula estaba moi contento . Decorou a súa coroa , cantamos a canción de Parabéns (aínda non a saben ben) e despois soprou as candeas para poder  comer un boliños todos xuntos. 

 

 

Comeza a aventura

 Xa levamos unhas  semanas de curso e os novos Pelouros, despois dunha breve pero intensa adaptación, xa  están atopándose mais cómodos na aula, co espazo e cos compañeiros e compañeiras . 

Estes primeiros días estiveron explorando libremente todos os rincóns da aula , e por primeira vez en anos,  un dos recantos que mais lle gusta é a biblioteca , o mellor e grazas a André, que nos fixo unha donación de libros que  xa non usa , ou a que lle gusta ver por sí mesmos os contos que vou contando na aula...

Pouco a pouco imos establecendo rutinas e normas, que lle aportan seguridade e tranquilidade, porque son moitos cambios os que estan vivindo, e aínda que na aula gozan coa plastilina , os coches , construccións , puzzles... , sen dúbida o que mais lle gusta e o patio , a nosa montaña, onde gosto de velos recoller as follas do outono.

Comezamos tamén a desenrolar a creatividade con pinturas , ceras, gomets... para que botedes un ollo ao interior da aula deixo unhas fotos por aquí:

 

 

 

Imos de Romaría

 O útimo dia de este curso estaba reservado para realizar a Romaría. Os Pelouros, coas súas capas, desfilaron con  todo o cole ata o Ramal dos galos onde puidemos asitir a dous talleres : primeiro un contacontos sobre números a cargo de Noelia e despois un taller de percusión con Tania . Despois fomos a tomar a merenda e xa tivemos que prepararnos para facer a obra de teatro "Imos de romaría " Os  Pelouros que son uns artistas fixérono xenial! Despois  de outras actuacións puidemos xogar un pouco e prepararnos para continuar a xornada coas nosas familias comendo todos xuntos. Foi un tempo de convivencia moi especial e agradecemos a todas as familias a vosa participación .

 

 

Aproveito para despedirme de este ciclo 2022- 2025, foi un pracer acompañar aos nenos e nenas nesta aventura , todo o meu agradecemento para os Pelouros e para as familias , grazas por todo!

Feliz verán!!! 

 

Meteoroloxía

 Este último trimestre estivemos facendo unha pequena unidade temática de meteoroloxía, un pouco de práctica co que rexistramos o tempo de cada día, a temperatura...e tamén un pouco de teoría onde aprendemos as estacións , os movementos da terra e fixemos un achegamento ao cambio climático.

 

 

Aniversarios de xuño e xullo

 Esta última semana de cole entre tantas actividades, o xoves 19 , despois do paseo ata o cole de primaria para coñecer as nosas futuras clases, chegamos ao cole moi famentos para celebrar os aniversarios de Leo, que cumpliu 6 anos ese día, e Lara que cumplirá en xullo, así sopraron as candeas e comemos os boliños.

Parabéns!!! 

 

Obra de teatro: " Imos de Romaría"

Este último trimestre estivemos xuntando os dous proxectos do cole: o teatro e a Romaría polo que elaboramos na aula unha pequena obra de teatro co tema da romaría. Estreamos a obra despois de moitos ensaios no festival da nosa graduación e como os Pelouros son uns artistas fixérono xenial!!!

 

Aniversarios de Maio

 Este mes de Maio tivemos de aniversario a Dani e Ada e para celebralo no cole tamén se sumou André que estivera enfermo cando fora o seu aniversario.

  Os tres, moi contentos, decoraron a coroa , e sopraron as candeas para despois degustar os ricos boliños . Parabéns para os tres!

 

Excursión de fin de curso: A granxa Kiriko

 O pasado martes os Pelouros empezamos unha nova aventura indo de exscursión á granxa Kiriko . Tivemos moita sorte co tempo , un sol estupendo e alí fixemos moitas cousas  : taller de galletas , tocar os animais, traballar na horta e mesmo xogar no parque . pero mellor botades un ollo ao video...

Os Pelouros asaltan o castelo de Soutomaior

 Hoxe foi un día moi especial para os Pelouros que foron a asaltar o Castelo de Soutomaior, como actividade de fin do proxecto que nos tivo moi motivados aprendendo moitas cousas da Idade Media.

O viaxe en bus foi especial porque entre amigos e con tanta emoción...

Ao chegar ao castelo estaba  esperándonos Anxo o noso guía que nos levou por todo o castelo, contando as historias de personaxes como Pedro Madruga que viviron alí. Coma sempre os Pelouros moi atentos aprendemos moitas cousas da vida no castelo.

Despois da visita guiada tivemos tempo de repoñer forzas cos bocatas .

Para rematar puidemos xogar nos xardins do castelo cos escudos e espadas, pero sen mancarnos! ...

Xa cansos voltamos para o cole , e ainda que tivemos que ter paciencia cun atasco , chegamos a tempo de rematar unha xornada tan divertida!

 

Torneo Mediaval

 O martes, a mestra de Psicomoricidade, Goretti celebrou un torneo Mediaval para Pelouros e Furabolos que puideron gozar moito con esta actividade. Os dous equipos nobres e cabaleiros enfrentáronse con cabalos e espadas . Tamén tiveron que atopar o tesouro agochado para construir o castelo. 

Como recompesa final recibiron unhas monedas de ouro, que estaban deliciosas😋

 

Protagonista Dani: o avó Luis e a avoa Rosa

 Esta semana na aula dos Pelouros tivemos a sorte de contar con Dani de protagonista, que para ser a primeira vez fixoo moi ben: pasou lista , realizou o conteo , colocou as tarxetas do tempo...e o mellor de todo ir o primeiro na fila.

Hoxe xoves viñeron ao cole  o seu avó Luis e a avoa Rosa, para falarnos un pouco do traballo que facía Luis antes de xubilarse, capitan de barco de pesca, e foi contando os tipos de barcos que hai, as partes dos barcos, os peixes, os elementos necesarios para navegar... e contestando a todas as preguntas que os Pelouros ían facendo.

Para rematar a avoa Rosa ensinou un debuxo onde tiveron que colocar os nomes e despois colorealo.

Grazas familia por colaborar con esta actividade! 

Aniversarios de Marzo

 Este mes de marzo tivemos de aniversario a Helena e André que xa teñen 6 anos,  pero como André esta recuperándose tivemos que celebralo só con Helena.

Primeiro preparou a súa coroa , puxo un montón de pegatinas para  decorar e despois xa puidemos cantarlle "Parabéns" , soprou as candeas e a merendar eses ricos boliños .

Para rematar todos a bailar , que a festa rachada se nos da fenomenal!😂 

 

Contacontos : Paco Nogueiras

 O xoves tivemos a visita de Paco Nogueiras que veu para contarnos uns contiños acompañados da súa música: acordeón, ukelele... 

Empezou contando o contiño "Violín", despois levounos "Polo mar salgado", e contounos as aventuras dus bechos e o sapo co conto : "Tarde de sapo". 

Para traballar o conteo, o conto de  "Cinco ratiños" e o premiado "Bom Bam Bum" sobre tres amigos que van cara a praia e polo camiño van sumando bañistas e para rematar  "Un dous tres , ti que ves" 

Como sempre con Paco os nenos e nenos gozaron con cada conto e pasárono xenial!!!

 Grazas á editorial Kalandraka por esta actividade.